25-08-2017, 04:16 PM
വർണ്ണം
പിരിക്കാൻ കഴിയാത്ത ശബ്ദമാണ് വർണ്ണം ഉച്ചാരണത്തിന്റെ ഏറ്റവും ചെറിയ ഘടകമാണ് വർണ്ണം. വർണ്ണങ്ങൾ കൂടിച്ചേർന്നാണ് അക്ഷരമുണ്ടാകുന്നത്. ‘ക’ എന്ന വ്യഞ്ജനാക്ഷരത്തെ പിരിച്ചാൽ ക്+അ എന്നു ലഭിക്കും. ക്+അ എന്നീ ശബ്ദങ്ങളെ വീണ്ടും പിരിക്കാൻ സാധിക്കില്ല. അതിനാൽ ഇവയാണ് വർണ്ണങ്ങൾ,ചന്ദ്രക്കലയിട്ട വ്യഞ്ജനങ്ങൾ, സ്വരങ്ങൾ, ചില്ലുകൾ, അനുസ്വാരങ്ങൾ എന്നിവയാണ് മലയാളത്തിലെ വർണ്ണങ്ങൾ.
അക്ഷരങ്ങൾ
മലയാള അക്ഷരമാലയിൽ സ്വരങ്ങൾ, വ്യഞ്ജനങ്ങൾ എന്നിങ്ങനെ രണ്ടു വിഭാഗങ്ങളുണ്ട്.
സ്വരങ്ങൾ-13
വ്യഞ്ജനങ്ങൾ - 36
ആകെ അക്ഷരങ്ങൾ - 49
ചില്ലുകൾ / സ്വരീകൃതവ്യഞ്ജനങ്ങൾ - 5
സ്വരീകൃതവ്യഞ്ജനങ്ങൾ
ൾ=ള് ൻ=ന് ൽ=ല് ൺ=ണ് ർ=റ്
സ്വരങ്ങൾ
*സ്വയം ഉച്ചാരണക്ഷമമായ അക്ഷരമാണ് സ്വരം
*ഉച്ചരിക്കാൻ ആവശ്യമായ സമയത്തെ ആസ്പദമാക്കി ഹ്രസ്വം, ദീർഘം എന്നിങ്ങനെ രണ്ടായി തരംതിരിക്കാം.
ഹ്രസ്വം-അ, ഇ, ഉ,ഋ,എ,ഒ
ദീർഘം -ആ, ഈ, ഊ, ഏ,എെ,ഒാ,ഔ
ചുട്ടെഴുത്ത്
അ, ഇ, എ എന്നീ സ്വരാക്ഷരങ്ങൾ ചുട്ടെഴുത്തുകൾ എന്ന് അറിയപ്പെടുന്നു. ചുട്ടെഴുത്ത് എന്നാൽ 'ചൂണ്ടുന്ന എഴുത്ത്’ എന്നാണ് അർത്ഥമാക്കുന്നത്. 'അ'
അകലെയുള്ളതിനെയും സൂചിപ്പിക്കുന്നു.'എ' ചോദ്യത്തെയാണ് അർത്ഥമാക്കുന്നത്.
വ്യഞ്ജനാക്ഷരങ്ങൾ
*സ്വരസഹായത്തോടുകൂടി ഉച്ചരിക്കപ്പെടുന്നവയാണ് വ്യഞ്ജനാക്ഷരങ്ങൾ.
*ഏതെങ്കിലും സ്വരം ചേരുമ്പോഴാണ് വ്യഞ്ജനം അക്ഷരങ്ങളാകുന്നത്.
*ഭാരതീയ ഭാഷയിൽ ‘അ’ എന്ന സ്വരം ചേർത്ത് വ്യഞ്ജനങ്ങളെ അക്ഷരങ്ങൾ ആക്കുന്നു.
ഉദാ: മ് + അ - മ
ക് + അ = ക
*'ക്' മുതൽ 'മ' വരെയുള്ള വ്യഞ്ജനങ്ങളെ വർഗ്ഗാക്ഷരം എന്നു പറയുന്നു. ഇവ ആദ്യ വ്യഞ്ജനത്തിന്റെ പേരിൽ അറിയപ്പെടുന്നു. (കവർഗ്ഗം, ചവർഗ്ഗം, ടവർഗ്ഗം, തവർഗ്ഗം, പവർഗ്ഗം)
*ഉച്ചാരണത്തിനുള്ള പ്രയത്നത്തെ ആസ്പ്പദമാക്കി
വ്യഞ്ജനങ്ങളെ ഖരം, അതിഖരം, മൃദു, ഘോഷം, അനുനാസികം എന്നിങ്ങനെ തരം തിരിക്കുന്നു.
*ഉച്ചാരണസ്ഥാനത്തെ ആസ്പദമാക്കി വ്യഞ്ജനങ്ങളെ കണ്ഠ്യം, താലവ്യം, മൂർദ്ധന്യം, ദന്ത്യം, ഓഷ്ഠ്യം, കണ്ഠതാലവ്യം, കണ്ഠോഷ്ഠ്യം എന്നിങ്ങനെ വിഭജിക്കാം